三信

忽然之間有陣衝動，冒著仍然做唔切功課o既危險，走上來打番一、兩行 ...

今日三信跳大繩。 原本尋日練到鬼咁辛苦跳到班女仔腳到痛埋，班男仔「香」汗淋漓，一個二個今日腰酸背痛，但係臨走先至發覺原來練錯左 真要學班仔仔女女話齋：O 晒咀...  然後尋晚好多人o係 msn 到傾好唔好今日早d返學練，雖然當中我插唔到咀，自己又唔識跳 (一入一出好鬼難架！)，不過見到好多同學自發想做得更好時，覺得三信距離「團結」又近左一大步   真係「老懷安慰」。

今朝雖然無早返學校練繩，但係上 PE 堂同兩個小息大家都好俾心機練習，當中有爭執、有彼此鼓勵，大家都齊心想做好件事，我心裡面都不知幾感動   到左正式果陣，Ice 負責哎「走」，Bonnie 負責哎「入」，Emily 同 Ivan 兩個好努力好努力咁fling 繩。 就算中間停左，大家都無責怪大家，反而互相鼓勵：「唔緊要唔緊要，再來過！」 當然宏 sir 親自出山同大家一齊跳又增強左士氣啦！ 好多三信同學就算無份跳都特登落去操場支持跳o既同學。  果一刻我真係覺得「I'm so proud of 3 Faith!」 覺得即使我地輸，我都會好高興，因為佢地已經贏左自己  

跳完之後大家知道贏左中三中四組都好興奮，我開心到同每個跳繩o既人high five ^^ 

Thank you Ice and Bonnie, without you, we won't be able to do it as a team.

Thank you Ivan and Emily, without you, we won't be able to jump as 'five'. (Emily thank you esp. for hanging on until the last minute.)

Thank you Samantha, Yan, Winnie, Kaarie, Vivian, Shirley, Yumi, Ashley, Maggie, Winky, Jovy, Steven, Keeper, Andy, without all of you, we won't be able to win at all.

Thank you Alison, Nicole, Edith, Jonathan M, Hugo (and the rest of you who were there), without you, we won't have the support we need so much.

Last, but not least, thank you Wang Sir, without you, we won't be able to support 3 Faith as much as you have done.

YEAH!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

oops.... 愈寫愈多添

2個月的小總結

呢兩個月真係，又忙亂又多野做又唔夠瞓又超攰。 跟住仲要俾人怨我「你快d打xanga啦，次次上親來都無新野」 我真係想話你同我掉轉吖！  你做埋我個份野我日日打篇新xanga 又點話吖！！

我記得好耐之前有個老師講過我地每日返到學校，一放低個袋之後，最重要o既工作係「救火」，我發覺當我教書教到呢個年頭都仍然認同緊呢句說話o既時候，我覺得好鬼驚  因為我完全忘記左學校最重要o既原素 -- 學生。  今年做三信o既班主任，但係我比起之前任何一年對三信o既學生更歉疚，因為我擺係佢地o既時間真係數得出。 我想我要多謝另一位班主兼拍檔宏宇宙老師，如果唔係佢，我會更加忙亂、更加不知所措，更加力不從心。 

更加慚愧o既係，我見謙謙o既時間更加少左。今年因為要返 CU (平均2晚！)，9點2上完堂等我返到屋企已經10點半，佢咁夜瞓都已經瞓左。 夜晚返學咁學校o既簿就堆埋一齊，要用唔使返學嘅夜晚趕住改簿登分 (所以同學如果發覺我無乜野寫真係唔好意思)，跟住無論夜晚使唔使返學都好，一樣咁夜返屋企。 謙謙開始學寫字，咩野「一」、「三」、「日」、「田」；a, e, c, k, n ；1, 2, 3, 4, 5 等等，全部都係嫲嫲睇住或者工人姐姐睇住佢寫。 佢依家已經識寫自己o既英文名，不過唔係我教o既，而係工人姐姐o既功勞.............  我都可以話係一個失敗o既媽媽咯！

原本無諗住寫d咁唔開心o既野，不過算啦，橫掂好耐無打個xanga，當係一個交待都好。

又一年.... 開學喇！喂

話咁快加拿大之行就完左，話咁快中三升中四銜接課程都完埋，話咁快開左N咁多會，跟住做左好多好多準備功夫 (唔好誤會，我未有時間備課喎！)

唔知新一年，又有無機會 at least 一個月一次打xanga呢？

放暑假 + 又要執野 + 去旅行

放左暑假成個星期，我教書咁耐都未試過7月學生一放假我都有得放，事關通常要on duty 嘛，例如幫手收生呀、改卷呀、諸如此類... 今個暑假咁「筍」係因為8月14號開始有個中三升中四銜接課程，等果班無上過世史、地理、「易乾」、phy、chem、bio 同學知道係一回咩野事，等佢地o既學習情緒早d 投入，唔使開學一個月都唔知發生乜事。(照呢兩年中四o既情況來睇呢，有d人直至會考都未知發生乜事呀，陰功！)  而因為我要教呢個銜接課程 (哇哇哇哇>o<) 所以暑假所有duty 都唔使負責。

之不過咁，就算唔使 on duty 都要返去執野 (第8次 )，因為教員室有部分老師要執過d位。今次我唔多反對，(1) 我搬過一條巷仔，無咩野執 (2) 我可以逃離個「桑那」位，事關一煲水我個位就熱到蒸籠咁... ... ，所以都無乜所謂啦

心情係咪好靚呢？  又因為我同謙謙去旅行呀！

 今次去探呢個細路 →→→→

超可愛架佢 ^^  返來再見喇 ！

北京之旅 (精華篇)

感謝 神！  五日四夜o既北京之旅終於完成！  感謝 神我地路上都有平安，天氣都唔係想像中咁熱，而且STCC o既學生o係旅程當中除左遲到要全人類等之外，表現一o的都唔失禮，卒之可以鬆一口氣

6月30日，第一日。先去一間酒家食午飯，嘩，期間有兩隻烏蠅飛來飛去，係多番選擇之下，降落左係其中兩碟上面，成人又熱又無乜胃口之下，宣佈停筷。唔知邊個好有衣食咁話：MISS 你覺唔覺我地好晒野呀？ (大家可以自行估下我個答案 ) ... 下午參觀首都博物館，冷氣設備一流，眼見o的同學仔走來走去影相影相影相，都唔可以唔佩服佢地o既精力，附帶一提o既係，有中一同學企圖係博物館裡面追逐玩「捉衣因」，好在俾楊 SIR 喝住  ... 到左夜晚，話7點鐘食飯，去到個留學生公寓飯堂 (有個好好聽o既名架！「碧香閣」)，因為太多人喇 (四間學校、百幾人呀！)，所以楊 SIR，MISS LEUNG同我，仲有羅賓就坐單邊。 至於野食呢，-_-||  你食過凍冰冰o既西芹炒肉片、蕃茄炒蛋、同生粉水開o既湯未呢？  食完飯我都忍唔住走去買左罐可口可樂，叫做有o的安慰獎咁啦。  唔知係因為旅行社一早知o的飯唔我地班人o既胃口，定係想俾大家經驗一下當地生活文化，8點幾帶左成班人去超市Shopping。 我估好多同學成世人都未試過咁瘋狂咁搜購 -- 杯面   見住大家一袋二袋咁「滿載而歸」，真係一個奇景。^o^

7月1日，第二日，香港回歸記念日。是日登長城，感謝天父前一晚落左場大雨，朝早氣溫都唔係太高，我o係一眾「仔女」(我係第三組，5仔5女)一致睇淡o既情況之下，登上左居庸關 最好笑係一路行，楊SIR 班人上啦上啦，上到去有 lift 架喇，好多STCC 同學信佢之外，第二間都有人信佢 ... 哈哈哈。  原來上去容易過落去好多架，我一邊落樓梯，一邊腳軟，幾驚一碌就碌左落去！ 最弊我o係到好專心落緊去o既時候，第二間學校有位老師o係後面咁話：嘩！跌落去有保險賂個呵？！  當堂嚇到我唔敢郁呀陰功！  晏晝同當地大學生玩遊戲，我地幾個老師就o係到旁觀。順帶一提o既係，各位同學對第二日膳食開始接受 (或者係「逆來順受」^_*) ，我都覺得幾好味。

 7月2日，第三日，呢日最行程緊湊，節目豐富。朝早參觀蘆溝橋同抗日戰爭記念館，跟住去景泰藍買野，然後食飯 (好似係「御膳」，不過都係食第二日午飯果o的)。晏晝去天壇，行到腳痛，著名o既迴音壁又維修，唉。差唔多4點幾去坐三輪車遊北京胡同 (好鬼古色古香)同參觀四合院，值得一提係個公廁裡面係無門架   原本果晚係去食涮羊肉，不過導遊話唔夠時間所以去左一間號稱有「四鑽」級數o既酒家食晚飯 ... 又係食番晏晝果o的，都算啦，一餐飯食到趕頭趕命不特只，搵人要壺「開水」都要勞氣，仲要倒瀉蒸魚(是)油落一個同學到！！！ 連我都發晒 (mug) 憎，要o的仔女提我，冷靜o的冷靜o的  食完飯去少年宮睇雜技，真係拍爛手掌！  o的少年人犀利到呀！

7月3日，第四日去頤和園。一路行一路同學都係掛住買野食，「無食早餐呀MISS！」  然後食飯 ... 再一次食番果o的，有同學心水清到話我地第四次食呢o的喇，跟住我地果邊又無冷氣又暗，真係唔開胃   晏晝去王府井SHOPPING，我覺得只係得個零鐘頭買野真係唔係好夠時間，不過原來好多同學以為王府井就係 = 個商場就陰功，浪費左好多時間。我地幾位老師都忍唔住走晒去麥當勞食野   晚上原本話係碧香閣食自助餐，後來去左北大教職員餐廳食晚飯，好野！ 終於唔使再係果幾味！(原諒我「YIM 尖聲悶」)  食完飯本來有聯歡，後來我地學校唔使參予，結果係宿舍門口分享同檢討就OK。

7月4日，最後一日。晨早3點幾起身坐車去睇升國旗，睇完又坐番車返宿舍訓。 叫我最驚嘆o既係班同學好多都無訓，真係「後生可畏」。 上午行故宮博物館。不過兩個鐘頭裡面除左不停咁行之外，都因為人太多，睇唔到o的乜野。行完就去走路去東來順食涮羊肉 (後來聽講我地行緊o既途中北京附近原來發生左地震)，食食下一個二個借o的意去附近買奧運紀念品 (早知我都去啦！因為後來發覺機場係無得買架！)。食完就去機場。

如此這般，就結束左北京之旅喇。 最開心o既係好多人都話我無黑到，哈哈哈哈！ ^_____^